သမိုင်းအမှန်ကို သိစေဖို့၊ အပြောနဲ့ လက်တွေ့ ယှဉ်ကြည့်စို့

မနေ့က တပ်မတော်မှာ စစ်အာဏာရှင်ခေတ် မဆလရဲ့  အမာခံ မိန့်တော်ခံ စစ်တပ်ဘ၀ ကျရောက်နေပေမဲ့ ဒီနေ့ တပ်မတော်ရဲ့  အနေအထားလောက် စည်းလွတ်ဝါးလွတ် အထိန်းအမဲ့ ကင်းလွတ်နေတဲ့ အခြေအနေမျိုး မရှိခဲ့တာ ကျွန်တော် သတိထားမိပါတယ်။ ကွပ်ကဲမှုအဆင့်ဆင့် Chain of Command ဟာ ဖရိုဖရဲ မနိုင်လှသေးပါ။ သမိုင်းမှန်ကို သိတန်သလောက် သိရှိ နားလည်ကြပါသေးတယ်။ ပြည်သူအပေါ် အထိုက်အလျောက် တန်ဖိုးထား လေးစားရမှန်း သိကြပါသေးတယ်။ တပ်နဲ့ ပြည်သူဟာ အတိုင်းအတာ တခုအထိတော့ ဆက်စပ်မှု ရှိသေးတယ်လို့ ရေးရမှာပဲ၊ ဟိုစဉ်ကလို တသားတည်း တဆက်တည်း မရှိဘူး ဆိုရင်တောင်မှ သိသိသာသာ ကင်းကွာတဲ့ အနေအထားမျိုး မရှိခဲ့တာ အမှန်ပါ။ အထူးသဖြင့် တိုင်းရင်းသား နယ်မြေဒေသတွေမှာ ဒီနေ့ တပ်မတော်လို ထင်ရာစိုင်း ရိုင်းပျလို့ မရခဲ့ဘူး ခင်ဗျ။ ဒေသဆိုင်ရာ တိုင်းရင်းသား သွေးချင်း ပါတီ၊ ကောင်စီဝင် လူကြီးများရဲ့ ၀ိုင်းဝန်းထိန်းကျောင်း ပဲ့ပြင်ပေးမှုက ရှိနေပါသေးတယ်။ စည်းမဲ့ကမ်းမဲ့ ပရမ်းပတာ ရမ်းချင်တိုင်း ရမ်း ၊ကြမ်းချင်တိုင်း ကြမ်း လို့ မရပါဘူး။ ပါတီ၊ ကောင်စီတို့က တရားလွန် ဥပဒေမဲ့ ပြုကျင့်မှုတွေ့လျှင် အထက်ကွပ်ကဲမှု အဆင့်ဆင့်ကို တိုင်ကြား အသိပေး အရေးယူခြင်းမျိုး ရှိခဲ့ပါတယ်။

မနေ့က တပ်မတော်ကာလက နိုင်ငံတော်ကောင်စီ အတွင်းရေးမှူး ဦးအေးကိုရဲ့ တပည့်အရင်း ရတခ လက်အောက်ခံ တပ်ရင်းမှူး တစ်ဦးဆိုရင် ဇမိ မြစ်ထဲ အရပ်သား တစ်ဦးကို ပစ်သတ်ခဲ့လို့ ကရင်ပြည်နယ် ဒေသ ပါတီကောင်စီက တိုင်ကြားတာကြောင့် ခုံရုံးဖွဲ့ကာ တပ်က ထုတ်ပြစ်ခြင်း ခံရပါတယ်။ ဖာပွန် အခြေပြု ခလရ-၁၃ က တပ်စိတ်တစိတ်ရဲ့ ဒါးကွင်း၊ လက်ထိုးရွာတို့မှ တိုင်းရင်းသူ ကရင်လုံမပျိုတို့အား မတော်မတရား မုဒိမ်းကျင့်ကာ သတ်ဖြတ်မှုနဲ့ ပတ်သက်ပြီး တရားနည်းလမ်း တကျ အရေးယူကာ တပ်စိတ်မှူးနဲ့ စစ်သည်အချို့ကိုပါ သေဒဏ်ချ အပြစ်ပေးခဲ့တာ မှတ်မိနေပါတယ်။ ခလရ-၁၃ ကိုပါ ထိုဒေသမှ တပ်ရင်းအလိုက် ရွှေ့ပြောင်းပေးခဲ့ဘူးပါတယ်။

၁၉၉၃-၉၄ မာနယ်ပလော စစ်ဆင်ရေး ကာလတုန်းက ဆက်သွယ်ရေး ကြားဖြတ်စက်ပေါ်က တပ်မ (၆၆) တပ်မမှူး ဗိုလ်မှူးချုပ်အေးကျော်ရဲ့ ကာယကံမြောက် ကွပ်ကဲမှုအောက် တပ်မှူးငယ်များကို အမိန့်ပေး ညွှန်ကြားနေတာကို ကျွန်တော် ကိုယ်တိုင် နားနဲ့ ဆတ်ဆတ် ကြားခဲ့ဖူးလို့ ရေးရခြင်း ဖြစ်ပါတယ်။ အေးကျော်က သူ့ကွပ်ကဲမှုအောက် စစ်ဆင်ရေး ၀င်နေတဲ့ တပ်ရင်းများကို “ဟေ့ကောင်တွေ၊ ငါ ကရင်မကို (..) လာတာ အနှစ် ၃၀ ရှိပြီ။ မင်းတို့ တွေ့သမျှ ကရင်မ ပျိုပျိုအိုအိုကို ချမ်းသာ မပေးနဲ့၊ အားလုံး (..) ပစ်” ရယ်လို့ စစ်ဆင်ရေး အမိန့်ပေးတာကို ကြားခဲ့ဘူးပါတယ်။ အဲဒီတုန်းက ကျွန်တော်က ABSDF ကို စစ်ပညာသင်ပေးရင်း တောတွင်းမှာ KNLA စစ်ဗျူဟာမှူး၊ ဗိုလ်မှူးကြီး လောဝါဒီတာဂူးနဲ့အတူ ရှေ့တန်း စစ်ဆင်ရေး ကွပ်ကဲမှုဌာနမှာ ရှိနေစဉ်က နားနဲ့ ဆတ်ဆတ် ကြားခဲ့ရတာပါ။ ကျွန်တော် အတော့ကို မျက်နှာပူပြီး ဒေါသပါ ဖြစ်မိခဲ့ရပါတယ်။

အေးကျော်ကို ကျွန်တော် ကောင်းကောင်းသိပါတယ်။ ဗိုလ်သင်တန်းကျောင်း အပါတ်စဉ် (၂၈) မှ ဗိုလ်ဖြစ်ပြီး ဖာပွန် ခလရ – ၁၉ ကို ရောက်ရှိကာ တပ်ခွဲမှူးအထိ စစ်မှုထမ်းခဲ့သူ ဖြစ်ပါတယ်။ ထိုစဉ်က ဖာပွန်သူနဲ့ အိမ်ထောင်ကျခဲ့ပြီး တပ်မ(၆၆) တပ်မမှူးဘ၀နဲ့ ကရင်ပြည်နယ်ကို စစ်ဆင်ရေးဝင်ခဲ့တာပါ။ နောက် တပခ တိုင်းမှူးမှတဆင့် ပြန်ကြားရေးဝန်ကြီးဘ၀ အရောက်မှာ ကင်ဆာရောဂါဖြစ်ပြီး သေချင်းဆိုးနဲ့သေသွား ခဲ့သူပေ့ါဗျာ။ ကျွန်တော်တို့ခေတ် မနေ့က တပ်မတော်က အထက်ကွပ်ကဲမှု အဆင့်ဆင့်က တပ်မှူးကြီးများဟာ အေးကျော်လို မလျော်မကန်၊ မတော်မှန်တဲ့ စစ်မိန့်ပေးမှုများ တခါမှ အောက်သို့ မပေးခဲ့ဘူးပါ။ မပေးကောင်းတဲ့ စစ်မိန့်မျိုးပါ။ ဒီနေ့ တပ်မတော် န၀တ/နအဖတို့ခေတ်မှာမှ ကြားဘူးခဲ့တာပါ။ ဒီလို အခြေအနေမျိုးမှာ ဖင်က လိပ်ခေါင်း ထွက်အောင် ကြွေးကြော်အော်ဟစ်နေတဲ့ “တိုင်းရင်းသား စည်းလုံး ညီညွတ်မှု မပြိုကွဲရေး” ဆိုတာဟာ ဘာအဓိပ္ပာယ် ရှိပါတော့မလဲဗျား။ တိုင်းရင်းသား စည်းလုံးညီညွတ်မှု ပြိုကွဲအောင် စစ်အာဏာရှင်တွေကသာ လုပ်စား နေကြတာ ဖြစ်ပပါတယ်။

ဒီနေ့ တပ်မတော်မှာ အေးကျော်လို စစ်သူတောင်းစား တပ်ဗိုလ်၊ တပ်မှူးများ တချို့ရှိနေလို့သာ န၀တ တဖြစ်လဲ နအဖတို့ရဲ့ ဒီနေ့တပ်မတော်ကို တပ်မတော်ရယ်လို့တောင် ပြည်သူတို့က အသိအမှတ် မပြုကြတာပါ။ မနေ့က တပ်မတော်ရဲ့ အစဉ်အလာနဲ့ ဂုဏ်သိက္ခာတွေဟာ စစ်အာဏာရှင် တွေကြောင့် တစက်ကလေးမှတောင် မရှိတော့တာကို သတိပြုမိပါတယ်။ တပ်မတော်ရဲ့ ကျင့်ဝတ်စည်းကမ်း၊ လုပ်ထုံးလုပ်နည်းတွေ ကိုလည်း တိတိပပ ဖောက်ဖျက်နေကြတာ တွေ့ရပါတယ်။

မနေ့က တပ်မတော်က “ပြည်သူသာလျှင် အမိ ပြည်သူသာလျှင် အဖ” လုိ့ ခံယူခဲ့ကြပါတယ်။ ဒီနေ့ တပ်မတော်ကတော့ “တပ်မတော်သာလျှင် အမိ၊ တပ်မတော်သာလျှင် အဖ” ဆိုပဲဗျ။ အာဏာရှင်တွေက သူတို့ကို မိဘလို သဘောထားခိုင်းပြီး အဘ အမေတို့လို စကားလုံးများနဲ့ အစားထည့်နေပါပြီ။ ဒီနေ့ တပ်မတော်ကတော့ နိုင်ငံရေးအာဏာကို သည်းခြေခိုက် အကြိုက်တွေ့နေပြီး အတင်းအဓမ္မ ဖက်တွယ်ထားလို့ ပြည်သူတို့နဲ့ ကင်းကွာ သွားခဲ့ရပါပြီ။

ဒီနေ့ တပ်မတော်ကတော့ အာဏာရှင်ရဲ့ အပေါင်းအပါ တစ်စုရဲ့ အသုံးချခံ ကိရိယာဘ၀ထဲမှာ ထဲထဲဝင်ဝင် ခံယူသွားရတာ တွေ့ရပါတယ်။ ဒါကြောင့် တပ်မတော်ရဲ့ ဂုဏ်သိက္ခာ ပြန်လည်စောင့်ထိန်းစေဖို့ မကောင်းတဲ့ စစ်အာဏာရှင်တွေကို ရှင်းလင်းဖယ်ရှား သန့်စင် သွားကြပါလို့သာ ဆန္ဒပြု တိုက်တွန်း နှိုးဆော်လိုက်ရပါတယ်။

--
Thanks for reading the message,
Although some mails are sent several time.
If you could get something good or bad from this group,
It is the meaning of existing this group.
Best regards.

မျှဝေပေးသူ ကိုမိုးပွင့်အား ကျေးဇူးတင်ရှိပါသည်။